Og mikið er það búið að vera gaman:) Ég held ég geti sagt að árið 2008 sé búið að vera það skemmtilegasta í lífi mínu. Ég þurfti að finna mig aftur og gerði það, gömlu skemmtilegu, fyndnu, klikkuðu, ævintýragjörnu mig:) Ég held það sé hollt að lenda í smá leiðindum og veseni, vonbrigðum, ástarsorgum og þar fram eftir götunum til að læra betur að meta allt það góða sem við höfum. Það er ekkert dýrmætara en að eiga góða vini og fjölskyldu til að hugga mann, hvetja mann og dæma ekki, sama hvað!  Þegar einar dyr lokast opnast aðrar og oft eru nýju dyrnar einmitt það sem maður þurfti:) Nýju dyrnar mínar leiddu mig meðal annars hingað til Englands og fyrir það er ég þakklát, eins og svo margt annað.

Annars allt voða gott að frétta af mér, skólinn klárast eftir viku, ein ritgerð eftir, og heimför á næsta leyti. Hlakka til að koma heim en hlakka ekki til að kveðja alla hér.

Held þetta verði síðasta færslan, kem heim 17.des!

Hef komist að því að ég er ekki blogg-týpan, finnst það heldur leiðinlegt ef satt skal segja, þannig að þið neyðist bara til að hringja í mig eða hitta mig ef þið viljið heyra um afdrif mín héðan í frá:)

Hlakka til að sjá ykkur öll von bráðar

knús

Ösp

John, Cynthia og Ég í Brighton í dag

Ég hef það ennþá voða gott hér í Englandi, allt æðislegt…svona að mestu leyti allavega…dagurinn í gær var samt smá ömó (best að byrja á nöldrinu;)). Í fyrsta lagi svaf ég yfir mig, í öðru lagi komst ég að því að ég var komin með 15 punda sekt á bókasafninu (hérna rukka þau nefnilega fyrir hvern klukkutíma sem maður skilar ekki á réttum tíma fyrir sumar bækur)!!!!!, ritgerðasmíð gekk ekki vel OG yfir nótt hafði frunsa á stærð við Vestmannaeyjar plantað sér á neðrivör mína! Fékk mér kaffi og súkkulaði til að lina þjáningarnar og leið bara töluvert betur eftir það;)

Kaffi já, ég er byrjuð að drekka kaffi! mér til mikillar undrunar fór mér alltíeinu að finnast kaffi voða gott!! Líklega ekkert voða góð þróun þar sem kaffi ku vera fjandanum óhollara, eeen ég ætla nú svosem ekki að fara að svolgra í mig 5 bollum á dag….ekki strax allavega;)

Síðan síðast er ég búin að sjá og gera ýmislegt…

Skruppum m.a. nokkur í dagsferð hérna útí sveit að strönd og klettum sem heita Seven Sisters, ofsa fallegir kalksteinsklettar meðfram ströndinni….

Sólarlag við Seven Sisters

John, Cynthia, Glennis og Joey

Halloween var haldin hátíðleg hér, ofsa gaman. Allir klæddu sig í búninga og svo var haldið partý:) Ýmsir skemmtilegir búningar sem vert er að láta fylgja myndir af….

Ég var geisha…og þarna bakvið mig er Noah sem Móðir náttúra á frídeginum sínum;)

Rudda gaman alveg:D

5.Nóvember var svo Bonfire Night í Lewes sem er lítill bær hérna rétt hjá. Ekkert smá gaman að upplifa það. Risahátíð sem allt að 80.000 manns heimsækja árlega. Risa skrúðgöngur um göturnar og brennur víðsvegar líka, fáránlega flottar flugeldasýningar…ímyndið ykkur þjóðhátíð, menningarnótt og árámótin x10;)  Verð nú að viðurkenna að ég fékk smá þjóðófíling þarna, sérstaklega þegar fór að hellirigna og allir urðu hundblautir;)  Það er annars svaka saga á bakvið þetta Bonfire Night, eða Guy Fawkes day eins og hann kallast líka.

Læt hér inn link á Wikipediu-útskýringuna (nenni ekki að skrifa hana sjálf;))

http://en.wikipedia.org/wiki/Lewes#Lewes_bonfire

Ef þið hafið séð V for Vendetta þá er sú saga líka byggð á þessu, gaman að því:)

úr skrúðgöngunni...þessi hópur klæddi sig upp sem indíána...

Svo fór ég auðvitað til Unnar minnar 6-9 nóv sem var alveg æðislegt:) Ekkert smá gaman að hitta hana og tala og tala, ekki frá því að málbeinin hafi verið þreytt eftir helgina:) Madrid er rosalega heillandi borg, margt að sjá og gera þar:) Borðuðum fullt af góðum mat, röltum um borgina og djömmuðum smá:) dásemd

Svona tók Unnur á móti mér á flugvellinum:)

Unnur að pósa í ofsafallega garðinum sem ég man ekki hvað heitir:)

Skólinn gengur annars bara nokkuð vel, fer að líða að ritgerðaskilum eins og gengur, maður á víst líka að læra smá þegar maður er í skiptinámi…bara smá samt;)

Svo er farið að styttast skuggalega í heimför…..tölum ekki meira um það strax….verður svo erfitt að kveðja…:)

Læt þetta duga í bili

Knús til ykkar allra

Ösp

Það verður seint sagt að ég sé ofurbloggari en ég er búin að gera svo margt síðan síðast að ég sá mig tilneydda:)

Köben var dásamleg! Gaman að segja frá því samt að mér tókst næstum því að missa af fluginu mínu út sökum sauðsháttar, en það blessaðist allt að lokum;) Lifði svo í listisemdum í faðmi Önnu og Telmu, mikið borðað, djammað og horft á sexytime:D Alveg hreint frábært að fara til útlanda bara til að heimsækja skemmtilegt fólk, ekki bara að þeytast um allar trissur í túristabrjálæði…Tókst reyndar að eyða töluvert meiri pening en ég hafði ætlað mér því einmitt á þeim tímapunkti var krónunni okkar hent útúr gervihnetti með enga fallhlíf. Gaman að því en ekki orð um það meir, búin að lesa, heyra og hugsa alltof mikið um það undanfarnar vikur og daga!

Ég og Anna heitar í klæðskiptingaþemapartí:)

Þegar ég kom heim var campusinn allt í einu orðinn fullur af fólki, önnin víst byrjuð for real:) Húsið mitt orðið fullt af busum og eldhúsið fullt af pottum og pönnum, mat og fólki. 7 fermetrarnir ekki alveg að bera 12 manns, það verður eiginlega að borða í hollum:/ Mér líst annars ágætlega á nýju nágrannana, allt 18 ára busar, nema eina stelpuna. Hana líst mér ekkert á. Hún hlustar á kreisí músík allan daginn og syngur falskt með. Hún vaskar ekki upp eftir sig og virðist bara varla húsvön ef satt skal segja. Til dæmis í gær vorum við Suzanne inní í eldhúsi og hún er að finna sér mat. setur hrísgrjón í pott og eitthvern örbylgjumat í örrann. Svo byrjar hún að væla yfir því að hún hafi sett of mikið vatn í pottinn og það muni nú örugglega sjóða uppúr. Ég segi henni að, jú, þetta sé fullmikið vatn en grjónin muni engu að síður soðna. Það næsta sem gerist er svo að það sýður uppúr og haldiði ekki að stelpugopinn standi og veini yfir pottinum: I knew this would happen! og gerir ekki rassgat! ég hleyp til, lyfti lokinu og lækka undir og segi henni að svona skuli fara að. Nema hvað, ekki svo mikið sem þakkar hún mér fyrir. Svo þreif hún ekki eldavélina og vaskaði ekki upp eftir sig!!!

Þetta er sumsé pirringur vikunnar, eiginlega eini pirringurinn so far. Ég held að foreldrar hennar hafi gleymt pínulítið að kenna henni að sjá um sig!

Skólinn byrjaði svo mánudaginn 6.okt og mér líst voðalega vel á tímana mína. Er í einum sem heitir Revolution and history og öðrum sem fjallar um Helförina…hljómar frekar niðurdrepandi en er engu að síður mjög áhugavert…..já ég veit, ég er nörd;)  Var einmitt með framsögu í gær um Frönsku byltinguna, var ekkert smá hugrökk og flutti framsögu fyrst af öllum í bekknum! Smá stress en hafðist allt:) Annars held ég að þessi önn verði frekar þægileg. Er bara í tveimur fögum og þarf líklega bara að skrifa 2-3 ritgerðir:D þvílík sæla þar sem ég er vön að þurfa að skrifa svona 8 ritgerðir á önn:) Svo er ég líka bara í tímum á mánudögum, þriðjudögum og annan hvern föstudag!

Síðasta laugardag skelltum við okkur fjórar saman til London. Fórum meðal annars í Camden town sem ég mæli með að allir sem fara til London kíki á. Ótrúlega skemmtilegt hverfi með allskonar skemmtilegum búðum og básum, mörkuðum og endalausu úrvali af mat frá öllum heimshornum.  Fórum líka á Tate museum of modern art.  Ég var ekki alveg eins upprifin yfir því, sérstaklega ekki mjög disturbing vídeo “listaverkum” sem þar voru til sýnis. Skil ekki suma “list”…… Annars fínn dagur í London þó að ég verði að segja að mér líki hundrað sinnum betur við Brighton:) enda elska ég Brighton!

Ferðafélagarnir: Suzanne, Joey og Cynthia

The Tate museum of modern art

Í Camden town

Þetta fannst mér ógeðslega fyndið…Bingó wings??:)

Og ein trjámynd, bara fyrir Unni Lilju:D

Matarklúbburinn er enn starfandi af fullum krafti mér til mikillar ánægju og allir eru komnir með matarást á mér! djók:) Ég er annars búin að læra að elda/borða ýmislegt nýtt hérna. Má þar nefna hina dásamlegu Tuna-melt og að setja edik á franskar, MIKIÐ af ediki! það er þrollagott!! Svo verðiði að prófa frosin vínber! það er ótrúlega gott! alveg eins og frostpinnar nema hollara:D hljómar furðulega en er svakalega gott!

Svo er hún Hildur, hin íslenska stelpan, komin:) Hún er að læra Ensku, ofsa hress stelpa og erum við búnar að bralla ýmislegt saman. Þetta er hún

Um daginn sendi mamma mér pakka (takk mamma mín:)) sem innihélt meðal annars harðfisk.  Ég er búin að leyfa útvöldum að smakka hann. Flestum þótti hann frekar furðulegur til að byrja með en urðu flest hrifin við annað smakk:) ég er búin að kjamsa á honum með sméri alla vikuna, mmmm elska harðfisk:)

Nú nenni ég ekki meira:)

Reynið að vera bjartsýn og jákvæð í kreppunni lömbin mín, öll él styttir upp um síðir:D

Stórt knús til allra

Ösp

Margt búið að gerast síðan síðast…hmm hvar skal byrja…

Það er ennþá ofsaofsa gaman hjá mér, þó núna standi fyrir dyrum ritgerðarskil, er að skrifa ritgerð um dreka!! spennandi finnst ykkur ekki;) (Unnur ég veit þér finnst það ekki;))

Pub Crawl var tekið með trompi á fimmtudaginn síðasta, ég hélt áfram módelkennslu minni og verð ég að segja að Michael sé besti nemandinn minn eins og stendur, þarna tók hann ruddahissa:D

Svo fékk ég líka að mála John og gera hann svoldið sætan sem ég hafði mjög gaman að. Hér má sjá afraksturinn. Já kannski rétt að taka það fram að John er vinur minn frá Kanada, frábær strákur alveg, næstum jafn klikkaður og ég;) Lekkert já!

Seinna um kvöldið gerðumst við, John og Cynthia (frá Texas) svoldið hot and heví í rólunni…..

EN nóg um það, eftir eins og 20 mínútna blund þá nóttina tók við rútuferð til Stansted flugvallar þaðan sem leiðin lá til DUBLIN!!! við fórum 8 saman, ég, John, Cynthia, Glennis (USA), Kaitlin (USA), Joey(Singapúr), Suzanne (Holland) og Elaine (USA)…semsagt 7 stelpur og John:) Í stuttu máli sagt var rosalega gaman og Dublin er hin krúttlegasta borg þó að við höfum verið sammála um að fólkið hafi ekki beint heillað okkur uppúr skónum. Lentum ansi oft á dónalegu afgreiðslufólki….

Við skoðuðum auðvitað allt það helsta svo sem Guinnes verksmiðjuna og auðvitað varð maður að smakka….hreint ekki eins slæmt og mig minnti en get ekki sagt að ég sé æst í hann…ég á nú samt þetta glas ennþá…..;)

Það var lítið sofið sökum flugferða á skrítnum tímum enda svaf ég í 14 tíma aðfaranótt mánudags! very næs! Svo var lestarkerfið í algjöru fokki á sunnudaginn þegar við vorum á leiðinni heim svo það tók helmingi lengri tíma en venjulega að komast! eeen allt saman þess virði fyrir Dublin beibí:)

Nú er annars síðasta vikan í Septembernámskeiðinu mínu svo vonandi verða 6 einingar í höfn í vikulok:D þarf bara að klára eina litla ritgerð…..hmm já ég á víst að vera að skrifa hana núna…og svo búið:) Á föstudaginn er það svo bara Köben að hitta Önnsu og Telmu!! get ekki beðið!

Ég ætla að enda þetta á lítilli sögu sem fjallar um mig sjálfa og hvað ég er ógisslega kúl!…:)

Í gær fór ég út að hlaupa, vissi ekkert hvert ég ætti að hlaupa svo ég hljóp bara af stað útí buskann. Hljóp upp um hæðir og hóla inn í skóg og hvað eina. Villtist smá í skóginum , missti áttaskynið (surprisesurprise) var orðin pínu örvæntingarfull á tímabili eeeen allt hafðist að lokum og ég var komin (að ég hélt) á beinu brautina heim.

Þá kem ég allt í einu að girðingu. Sveitabarninu mér fannst það nú ekkert tiltökumál og ákveð bara að klifra yfir helvítis girðinguna, það hljóti að vera styttri leiðin!!

Mæta mér þá ekki bara massívir lestarteinar!! Sjitt hugsa ég, hér á ég ekki að vera!! en ákveð samt að hlaupa bara yfir teinana og komast hinumegin.

Mætir mér þá ekki önnur, og öllu stærri girðing, ca 2ja metra há með mörgum lögum af gaddavír efst!

Fjandinn hvað er ég búin að koma mér í! labba meðfram girðingunni, mæti múslimakonu á leiðinni (sem var hinumengin við girðinguna) og hún horfði á mig eins og ég væri hálfviti.

Ég var í alvöru komin á fremsta hlunn með að reyna að klifra yfir þegar ég sé hálfgert gat í girðingunni, mér til mikillar gleði, treð mér þar í gegn, festist, ríf buxurnar (ekki á rassinum eða neitt sem betur fer;)) en kemst í gegn! JESS! nú er leiðin greið heim! þetta hlýtur að vera búið núna…

Ekki alveg, eftir þetta tókst mér líka að festast inní einhverju porti og þurfti að taka risahring!

En engar áhyggjur ég komst heim heil á höldnu að lokum:D

Þetta tekst held ég engum nema mér:D

Ég þarf greinilega manninn með mér til að fara út að hlaupa:)

Jæja ritgerðin kallar:D ætli ég láti ekki næst í mér heyra eftir Köben.

En auðvitað má alltaf hringja í mig;) og skylda að kvitta..ALLIR…mér finnst voða gaman að sjá hverjir koma hingað:)

Nördakveðjur

Ösp awesome:D

…..get samt sagt ykkur frá því að ég er komin með enskt símanúmer loksins svo endilega skráið það hjá ykkur: 07531643242 get líka sagt ykkur frá því að mér tókst að villast alveg helling á leiðinni í símabúðina, labbaði svona ca. kílómeter meira en ég hefði þurft að gera, spurði samt til vegar og allt en beygði bara samt í vitlausa átt! klár ég já! Ég held að það vanti í mig áttaskynið því ég er búin að vera ansi dugleg við að fara í vitlausar áttir síðan ég kom hingað! en þetta hlýtur allt að koma;) mér finnst þetta sem betur fer bara fyndið ennþá:D

Verslaði mér svo alveg óvart tvo kjóla í bæjarferðinni, veit bara ekkert hvernig það gerðist, en ég veit að þeir eru ofsaofsa fallegir:D

Hey þið gossip girl aðdáendur vitiði hvað!!?? Það er einn hérna í skólanum með mér sem var í fríkin skólanum sem er í xoxo!!! pæliðí því! hann er samt ekkert eins hipp og kúl og krakkarnir þar sko, meira bara svona venjulegur;)

veit ekkert meira núna, ætla að reyna að læra smá:)

Og hey já, ef einhvern langar geðveikt að senda mér eð fallegt til að setja á fimm fermetra korktöfluna mína, s.s. myndir eða annað lekkert þá megiði endilega senda mér:D

heimilisfangið mitt er:

Ösp Viðarsdóttir

Room 117

York House

University of Sussex

Brighton

BN1 9QR

Bless kex

ps. næst skal ég gera tilraun til að blogga með myndum:D

Ferðin gekk vel, var reyndar látin borga fimmara í yfirvigt en ég lét það nú ekki fara mikið í taugarnar á mér, sérstaklega vegna þess að ég fékk sæti 1A sem er pretty much besta sætið í vélinni:D

Lenti í Lundúnum og þurfti að taka 3 lestir takk fyrir pent til að komast á áfangastað með þungu stóru töskuna mína upp og niður stiga því rúllustigar eru sko ekki á hverju strái í undergroundinu í London! Ég skal segja ykkur það að ég var freeekar sveitt þegar þessu var lokið!

Herbergið mitt er mjög fínt, svolítið flögnuð málningin á veggjunum en það er nú ekkert til að væla yfir, já og svo deili ég klósetti og sturtu með fullt af fólki. Eitt þykir okkur nágrönnunum undarlegt og það er það að á ganginum eru tvö klósett, ein sturta og tvö, já ég sagði tvö BAÐKER! með engum sturtuhaus eða neitt, neinei, bara baðker með tveimur krönum! mjööög undarlegt svo ekki sé meira sagt svo við erum sumsé tólf um eina sturtu, eða verðum það þegar gangurinn verður orðinn fullur sem gerist í október. Býst við að það verði fróðlegt að sjá hvernig það mun ganga upp:)

Svo er bara búið að djamma hér á hverju kvöldi sem er voða gaman, í gær t.d. gerðumst við 3 boðflennur í partý hjá einhverjum Indverjum hér sem eru nágrannar okkar og þau tóku okkur með kostum og kynjum, gáfu mat og drykk og vildu dansa við okkur!:)

Hér eru annars allra þjóða kvikindi þó Bandaríkjamenn séu í miklum meirihluta! svo er ein hollensk, ein frá Singapúr, tvær danskar, tvær þýskar, brazzi og portúgali svo eitthvað sé nefnt:) Það finnst öllum roooosaleg gaaasalega merkilegt að ég sé frá Íslandi og hvá yfir nafninu mínu en gegnur bara furðanlega vel að bera það fram eftir smá útskýringar og æfingar:)

Matarklúbbur hefur formlega verið stofnaður á ganginum mínum mér til mikillar gleði og hyggst ég slá verulega um mig í matargerðinni á komandi mánuðum:D

Áðan fórum við í gönguferð hérna útfyrir campusinn og það er ekkert smá fallegt! hæðir og skógar og beljur og svona:)

Já síðan byrjaði skólinn í dag og mér leist svona líka svaaaakalega vel á tímann, eintóm gleði bara. ætla svo að reyna að fá mér hjól sem fyrst og kaupa mér eins og eitt glas og einn disk og fleira nauðsynlegt:)

Nú nenni ég ekki meir

knús til Íslands:D

Ösp

Ég er sumsé, eins og líklega flestir vita sem lesa þetta, að fara í skiptinám í University of Sussex á suður-Englandi á komandi önn.

Ég ætla að gera tilraun til að skrifa eitthvað skemmtilegt hér inn svo þið getið nú fylgst með mér:)

En ekki búast við neinu fyrr en ég verð farin út, sumsé eftir 5.september:)

Þangað til

bless og farið á þjóðhátíð! það ætla ég allavega að gera:D